Pyarr Hai Ya Saza - Part 3

Story By: Salman

Sajjad nay Mobile pay Number dekhtay hoay khushi say kaha....

Sajjad : Yes.........Falak ! Maham ka Phone hai.....Tum yahein mara Wait kro main abhi aata hoon.....

Aur yeh Keh kr Sajjad Bahir Nikal gaya......

"Kya Maham haan keh day gee......Ya Phir......Nhi Nhi , Agar ussay Haan Hi kehna Hota toh woh Pehlay hi keh dati , Itnay Din Intezar ki kya Zaroorat thi.... Maray khyal say Aaj Uss nay Sajjad ka Yeh Bharm Tornay k liye hi Phone kiya hai......Haan Yehi Baat ho gee..."

Sajjad Taqreeban Half an hour k baad Room main Wapis aaya , Uss ka Chehra Udaas Lag rha tha......Main Dekhtay hi Smjh gaya k Maham nay Inkaar kr diya hai.....

"Yehi Munasib Waqat hai , Yeh Jatany ka K Main Sajjad ki kitni care krta hoon , Bas Tasali k Do Lafz aur Sajjad Mara......" Yeh Sochtay hi main nay Foran kaha

Me(Falak) : Kya Hoa Sajjad............Kya Maham nay Inkar kr diya..........Koi Baat nhi Yaar, Dil Chota toh na Karo......Aur Waisay bhi Woh Tumharay Kabil nhi thi......

Aik Dam Khushi say Chilatay hoay......

Sajjad : Maham Maan gaye.......yes , ........Mujhe Yaqeen nhi aa rha Falak , Main Maham k Sath Date pay Jaon ga......

Yeh baat aik Dam mujhe Hairat main Dal gaye...Damagh pay Jaisay Bijli si Girri ho aur Kanoo main Ghantiyan Bajny lagi.......Mujhe Kuch Smjh nhi aaya k kya kahoon.....

Me : Lakin tumhara Chehra toh......

Sajjad : Arre Woh toh Main Mazaq Kr rha tha ......Kafi Dino say tumhain Tang jo nhi kiya tha........ Yaar Bohat Tyariyan krni hain , Naye Shoes , naya Dress......Chalo Chalo , maray Sath tumhain Chalna hai Shopping k liye......

Sajjad ki Khushi k liye mujhe yeh sab krna tha....Lakin Sajjad ki Khushi k liye Main Ussay Maham k kareeb nhi aanay day skta tha..........

Jab Main Yeh bardasht nhi kr skta tha k Maham aur Sajjad ka Naam bhi Apas main Juday toh Yeh kaisay Bardasht krta k Woh Dono Aik Ho Jaein.....Uss k baad main nay Har mumkin koshish ki k Kissi trha main Maham ko Sajjad ki Nazar main bora Sabat kr doon Lakin main Jitna Yeh Krnay ki koshish krta Woh Sajjad k Utna hi Kareeb ho jati....

Hamara BBA Complete ho gaya aur December main Hamara College hatam ho gaya lakin Maham aur Sajjad ka Apsi Pyar Na Hatam hoa , Main nay apni har Mumkin koshish kr Dali unn ko Alehda krny ki....Kitni hi Misunderstandings bhi create kein lakin Sajjad Agar Aik din , Maham Say Naraz hota toh Aglay hi Roz phir uss k sath hota.......

Kuch Arsay baad hamari Job bhi ho gaye...Maham Job nhi kr rhi thi......Hamain Job krtay Kareeb Aik Saal ho chuka tha jab Aik Raat Sajjad maray Ghar , Maray Flat pay aaya....Kuch Formal Baatoon k baad uss nay kaha

Sajjad : Falak ! Teen(3) Din baad MaMa wapis aa rhi hain Pakistan......

Me : Acha....Yeh toh Badi achi Khabar hai.....

Sajjad : Haan Achi toh hai.......LAkin......Tumhain aik kaam krna hai....

Me: Mujhe?.....Kya

Sajjad : (Mskuratay hoay) ....MaMa maray aur Maham k Baray main Sab Janti hain......Lakin Woh Tum say Milna Chahati hain .......

Me : Aunty ko mujh say Kya Baat krni hai?.......

Sajjad : Yeh toh Wohi Janti hain Behtar.....So , Iss Sunday ko Tumhara Dinner hai Hamari Taraf ........

Kuch Idhar Odhar ki Baatoon k Baad woh Wapis Chala gaya...

Aik Dafa Phir say apnay hi Hathon say Aapny aap ko Maarna tha mujhe........Lakin Iss Dafa main nay Sab kuch Soch rkha tha......

Main Decide kiye gaye Din Sajjad k Ghar gaya.....Sajjad ki MaMa mujh say bade Achy Tareeqy say milli....Khany say Farigh hoay toh Sajjad ko IceCream ka Yaad aa gaya aur woh IceCream lanay Chala gaya....IceCream toh Shaid Bahana Tha....Khair Sajjad ki MaMa nay mujh Say Baat krty hoay kaha.....

Sajjad's MaMa : Bata ! .....Jab main Qatar main thi , toh Woh badi Tareef krta tha Tumhari.....Jab bhi mujhe Wahan Phone aata toh Tumhara Zikar Zaroor hota phone main.....Tum toh Sajjad k bohat Achy Dost ho.

Yeh Sunn k maray andar aik ajeeb si khushi uthi......Uss waqat Mujhe Sajjad pay Bohat Pyarr aaya....Main nay Sharmatay hoay kaha.....

Me : Aunty woh khud itna Nice Insaan hai , K Koi kya khy.......Bohat Caring hai.....

Sajjad's MaMa : Haan.........Acha Falak !!! Sajjad nay Mujh say Maham k Baray main baat ki thi......Tum toh Jantay ho na Sab.....?....... Mujhe Ussi Silsilay main tum say Baat krni thi.....Woh Akhir tum logon ki Class Fellow reh chuki hai......Sajjad ko Shaid uss main Sab Achi Baatain hi Nazar aaein.....Lakin Bata ! Tum mujhe Batao....Maham Kaisii hai....Mara Matlab hai k Kya woh Achi ladki hai....?

Main Chahta tha k Main Maham k Baray main Sab Jhot bolon...Lakin pata nhi kyon mara Mann iss baat k liye Tyarr nhi hoa.........Sach toh Yeh Tha k Maham k Baray main kuch aisa Ghalat tha hi nhi Jo main unhain Badha Badha k Batata.......

Main nay Dil pay Pathar Rkhtay hoay Kaha.....

Me : Maham Bohat Achi Ladki hai Aunty.....Boht Serious aur Sensible hai.... Lakin

Sajjad's MaMa : Lakin.......Kya Falak

Me : Lakin aunty uss ki Family walay bohat Rookhy say Insaan hain.......Kuch Thode Bohat Religious hain.....Thoday Pooorany Khyalat k bhi hain.........Unn k Haan Parda Bohat hai....Maham ko Bhi padhnay k Liye College aany ki Ijazat uss k Aik Bhai k Bohat Israr pay Uss k Father nay Di thi..........Aur Sach Bolon toh Kuch Tang Nazar bhi hain.......Lakin Maham Aik Achi Ladki hai .......

Sajjad ki MaMa kuch Soch main Padd gaye....Phir bolein

Sajjad's MaMa : Bata !!! Hamain Unn ki Family say kya lana hai............Musliman hain , Hamary liye Sab say Badi Baat yehi hai......Phir Chahy Zyada Mazhbi hoon ya Kam.....Kya Farq Padta hai.....(Muskuratay hoay) Aur waisay bhi Hamari Family main Aany k Baad Ussay Hamary Rang main Rangna ho ga....Hamary liye toh Sajjad ki Khushi say Badh k Koi Khushi nhi.....Main Iss Friday hi ko Unn ki taraf Rishtay ki Baat Chalati hoon........Din bhi Mubarik hai aur kam bhi.........Kya Khyal hai Tumhara....

Me : Ji Ji Aunty Bilkul......Naik Kam main Dair kyon....

Yeh Baat main nay Dil pay Pathar Rkh k Kahi thi.....Kuch Dair baad Sajjad Aa gaya......Aur Hum Apni IceCream Cups Hathoon main Lay kr Chaat(Upstair) pay Chalay aaye......

Uss raat Aasman Pay Chand nhi Nikla tha...Shaid Nikal k Gharoob ho Chuka tha.........Dorr Tak Ufaq pay Sirf Sitaray hi Sitary Nazar Aarhy thay.....Kissi Timtamaty Diye ki Trha Jag mag krty Sitaray...Kaisay Bhara Hoa tha Aasman Uss Raat.....Lakin Maray Andar Bhari Udasi , Uss Aasman k Sitaroon say kahi Zyada Lag rhi thi Mujhe........Kareeb hi k Kissi Ghar say Musiq ki Halki Awaz Yahan Tak aa rhi thi.......Hum Chalte Chalte Samny Deewar k pass aaye , Sajjad Deewar pay Beth gaya , Main Uss k pass hi Deewar k sath Taik Laga k Khara Ho Gaya......

IceCream ko Spoon main Bhartay hoay Sajjad nay pocha........

Sajjad : Toh.....Kya Kaha MaMa Nay......

Uss waqat kahi Dil main Aaya , K main bhi Aasman ki Iss Syahi main Kahi Ghayab ho jaon aur Sajjad mujh say Kuch na Poch Sky , Na Main ussay Kuch Bataonn.......

Uss waqat Janay Kyon Kahi Dil say Aik Dua nikli "Ya Allah Kash k Sajjad Sab bhool jaye , Aur main Uss say Khul k Apni Saari baatain kr skoon......Ussay Woh Bata Skoon Jo Main Ussay Batana Chahta hoon...Ussay Apni Mohabbat ka Izhar Kr Skoon......Kash k Aisa Ho skta....Kash k ."

Kehtay hain Kabhi kabhi Munh Say Nikli koi Aik Baat Foran poori ho jati hai.....Shaid Woh bhi Kaboliyat ki hi Ghadi thi , Jo.........Khair

Main nay Zabardasti Hontoon pay Muskurahat Laatay hoay kaha....

Me (Falak) : Hoon...Agar na Bataon Toh.....

Sajjad : (Sochtay hoay) Toh......

Me : (Muskuratay hoay)Toh...?

Sajjad : (Hanstay hoay)Toh main Tumharay Paon padd jaon ga.....Aur Tab tak nhi chodoon ga jab tak tum bata nhi do gay....

Me: Acha Acha.....Aisa Krny ki koi Zaroorat nhi.....Aunty Iss Friday ko Jaein gee Maham ki Taraf....


Sajjad Foran Deewar say Utra Aur Mujhe Hug krtay hoay uss nay kaha.....

Sajjad : Thanks Yaar....Thank you So Much.....

Kash k Woh hamesha Mujhe Aisay hi Apni Bahoon main Bhara Rkhta.....

Uss nay Mujh say Alehda Hotay hoay kaha....

Sajjad : Main Abhi Yeh Khabar Maham ko Sunata hoon....Woh Bohat Khush ho jaye Gee.....

Phir khud hi kuch Sochty hoay Uss nay Mujh say Kaha....

Sajjad : Nhi Maray Khyal say Main Khud Uss say Mill kr Ussay Yeh Sab Batata hoon...Woh bohat Khush ho jaye gee.......Kya Khyal hai.....

Me : (Murjhaye Say Lehjay main Kaha) Jaisay Tum Behtar Smjho.....

Aisay hi Uss waqat aik Baat maray Zehan main Aaye.....Aur main nay Pocha

Me : Acha Aik Baat Batao Sajjad !!! Kya Maham k Gharwaloon ko Iss baat ka Pata hai.....Mara Matlab hai k kya woh jantay hain k Tum aur Maham.....aik dosray say ....Pyarr krty ho aur Yon Chup Chup k miltay bhi ho.....

Sajjad : Nhi nhi....Unhain iss baat ka Bilkul nhi pata.....Aur Pata Chalna bhi nhi chahaiye yaar.....Uss k Father ka toh tumhain pata hai na Kitnay Religious hain.........GetTogether pay Kaisa Toffan Macha Diya tha..........Agar Unhain Iss baat ki Hawa bhi laag gaye k Mara Aur Maham ka Sath reh chuka hai Ya Hum College k Alwa bhi Aik dosray Say Miltay thay toh........Toh Bohat GadBad ho jaye gee.....Main nay MaMa ko bhi Sab Smjha diya tha.....Acha Tum Wait kro main Maham Say Abhi baat kr k Aata hoon.....

Me : Main bhi bas Chalta hoon......Acha Allah Hafiz.....

Yeh Keh kr main Wapis Janay k Liye Neechy Janay laga.....Abhi Adhi Stairs pay hi tha k Mujhe Yaad aaya K Bike ki Keys toh Uppar hi Reh gayein.......Main Dobara Uppar Gaya toh Sajjad Maham Say Phone Pay baat kr rha tha......Uss ki Back mary Taraf Thi , Aur waisay bhi Woh Phone Pay Aisa Magan tha k Ussay Andaza hi na Hoa k main Aaya Hoon.......Keys Table pay Padi thein , jab main Keys Utha k Janay laga Toh Sajjad k Kuch Ilfaz Maray kanoo main Paday,

Woh Maham Say Keh rha tha "Toh Ok Phir....Kal Ka Pgm Done rha.....Kal Sareena Garden , 5 bajay....Theek hai?....Main Wait kroon ga Maham Tumhara...Time Pay Pohanch jana"

Iss Baat pay Uss waqat toh main Nay Zyada Ghoor nhi kiya ......Bas Sunn li......Aur Ghar Ko Wapis Chala Aaya......

Uss Raat main Wapis Aa kr Bohat Roya.........Kissi ko Apnay samny , Apnay Hathoon khonay ka Ehsaas kya hota hai , Yeh wohi janta hai Jiss nay kabhi aisa kiya ho.....Lakin main Itna Mahaan , Itna Azeem nhi tha Jo Khud Apnay Hathoon , Apnay hi Pyarr ko Kissi Aur ki Jholi main Dal data aur Khud Saari Umar Uss ki Yaad main Guzar data.....

"Akhir Main nay kyon na Jhot bola....Jhot Kehnay say Agar Sajjad Aur Maham ka Rishta Hatam ho skta tha toh , Main Bool hi Data......Lakin kyon main Bay-Bass ho gaya....Shaid Yeh hi Pyarr hai.....Mara Sajjad k Liye k Main uss k Pyarr main Sab kuch Kr Skta hoon Lakin.........." Main nay Dil main Socha..........

Main bohat Matlabi ho gaya tha , Ussi Waqat kahi maray Dil say Awaz aaye....."Jab Aik Sach hi Zahar ka Kam kry ga toh Jhot ki kya Zaroorat......."

Mujhe Kuch Smjh nhi aarha tha...Har Trha say Yehi Baat Mujhe Sahi Lagi.....Ishq main toh Insaan Dosroon ki khushiyan Dekhta hai , Lakin Yeh Ishq Thodi tha , Yeh toh Junoon tha Junoon......Jo Maray Sir Pay Kissi Bhoot ki Trha Sawar tha.........Main Itna Khud-Gharaz ho gaya k main nay yeh bhi na Socha , MAray Aisa Krnay say Sajjad k Dil pay kya Beetay gee....

Main Pyaar main Andha ho Chuka tha , Jo Socha ussay Pora krny k liye Main PCO pay gaya.......Uss waqat maray Zehn main Sirf Aik Hi baat thi k Kissi Bhi Trha main Maham ko Sajjad say Alehda kr doon.......Iss say kya ho ga , Kya nhi--- Mujhe Bilkul Koi ANdaza nhi tha. Agar Hota toh Yaqeenan Main aisa na krta.............

Main nay Maham k Ghar Phone kiya.....

Phone Dosri Taraf Say kissi Lady nay Uthaya.....

Lady : Hello.....Salama-Aalikum

Me : Wa-alikum-Ussalam......Ji Jamshed Sahib Ghar hain?......Kya Main Unn say baat Kr Skta hoon.....

Lady : Aap ka Naam........

Main Soch main pad gaya , Iss baray main toh main nay Socha hi nhi tha.....Khair Jhot Bolna hi Pada ........

Me: Ji....woh Main.....Main Zaheer Jilani baat kr rha hoon......

Lady : Hold Kijiye.....Main Khabar Kiye Dati hoon.

Kuch dair baad Jamshed Sahib phone pay aaye....

Maham's Father : Hello.....Ji.....

Me : SalvaAlikum.....Jamshed Sahib.....Mujhe aap say Aik Zaroori Baat krni hai.......

Maham's Father : Ji Farmaiye.....Lakin Sahib Pehlay yeh toh batain....Aap hain Kon......Kahan Say Bol Rhy hain....

Me: Uss Sab ki Fikar krny ki Tumhain Zaroorat nhi....Fikar Krni hai toh Apni Baiti , Maham ki Krain Jiss nay Bahir Ghair Mardoon say Na-jaiz Relations Bana Rkhy hain.....Tum Uss K Baap ho Aur Tum Hi ko Maloom nhi K Baiti Tumharay hi Naak Neechy kya Kya Wahiyat Kam Krti Phir rhi hai.....

Maham's Father : (Gussay say Pagal hotay hoay) Oh Bakwas Band kro.....Tum ho kon Yeh Sab kehnay Walay....Main Abhi

Me :(Bat kat-tay hoay) Yaqeen nhi hai , Toh Kal Sareena Garden Sham 5 say 6 Khud Ja k Dekh Lo.....Maloom Chal jaye ga K Kaisii Parwarish Di hai tum nay Ussay...

Yeh Keh kr main nay Foran Phone Band kr Diya.....Main bohat Dara hoa tha ....Tez Tez Kadmoo say Apnay Flat main Aaya aur Apnay Room ko Lock kr k Beth gaya.....Dil main Kahi Aik Itmaniyan Tha , Khushi thi.....

"Jo Aaj kiya , Bohat Pehlay kr data toh Baat Yahan Tak na Pohanchti.....Lakin Ab bhi kuch nhi Bikrra.....Sorry Sajjad....Sab Kuch Hatam ho gaya.....Main nay Sab Kuch Hatam Kr Diya.....Tumhari Mohabbat ko Koi Naam milnay say Pehlay hi main nay Ussay GumNaam Bana Diya" Apnay Aap main Muskuratay hoay Main nay Socha.....

Uss Raat Mujhe Chain ki Neend Aaye.....Aisa Skoon say Soya k Subh Dair tak Sota Rha.........Mara Office Janay Ko Bhi Ji Nhi Chah rha tha....Iss liye Wahan say bhi Chuti mari....Bas Intezar tha k Sajjad ka Phone Aaye aur Woh Mujhe Khush-Khabri Sunaye k Uss ka Aur Maham ka Relation Hatam...... Break Up....Hamesha Hamesha K Liye....

Mujhe Achi trha Pata tha k Yeh Sab honay k baad Woh mujhe hi Phone kry ga , Akhir main hi Toh Uss ka Aik Wahid Best Friend tha.....

Raat 7 Bajay Sajjad ka Phone aaya Aur Mujhe Jaisay aik Jhatka Sa Lag gaya......

21 comments:

please post the rest... your story is in very interesting stage...

 

yaar post da rest of story

 

plzzzzzzzzzzzz

 

please post rest of story

 

kahani ko pura karo? phir kya hua?

 

please dude write the next part of this story plsss

 

yaar what abt the last part its such a interesting one

pls post it

 

plz post d rest of story..... So intrstng
waiting

 

Hey dear its nor fair, you should not keep this story half,we need to know the end. please

 

where is rest of the part? Waiting..

 

Plz kahani ko pura kro..........its really intersting.....

 

dear one at least pass the comment to show the reason why you have not completed it !! falling love wid this story & you have just ......oh!!! crap//// bade waqt ke baad aisy heart touching story padhi aur aapne to pura maza hi kirkira kar diya....it's not fair at all :(

 

write further yar......wt r u doing

 

write further yar......wt r u doing

 

Filmy story...

@i knw, Sajjad ll b die in last sure.....:(

 

otherwise both(maham& sajjad) will get married...:-)

 

Please kahaani ko poora karo. Allah ki rehmat yum par bani rahegi.

 

aur maine phone uthaya to sajid bol raha tha bo kya raha tha ro raha usne bataya ki abhi abhi maham ka phone aaya tha aur maham ne bataya ki sajid kisi ne hamare pyaar ko nazar laga di hai aur anjaam tak pahuchne se pehle hi khatam kara diya aur ab main kabhi bhi tum se nahi mil paoongi mera rishta papa ne apne ek rishtedaar ke bete se kar diya hai main tumhare bin mar jaoongi.
sajid ro raha tha ro raha tha sajid bola i will die i wil die i will sucide ,
mujhe katon to khun nahi o mere khuda ye kya ho gaya ye maine kya kar diya aur saari raat main sajid ko phone karta raha par usen phone nahi uthaya subah subah main uske yahan pahucha to maloom hua ki subah wali gaadi se Karachi aur phir wahan se calefornia chala jayega uske uncle ke paas maine bahut koshish ki us se kisi tarah contact ho jaye par khuda ko to kuch aur hi manjoor tha aur contact nahi ho paya, par mujhe aaj bhi uske wo alfaaz yaad aate hai ki jisne meri khushi cheeni hai wo kabhi khush nahi rahega kabhi khush nahi rahega aur hua bhi yahi. Main adhoora ho aur adhoora hi rahoonga maine ye nahi socha ki jisse hum pyaar karte hain use apne pyaar ki qurbaani dekar khush rakhna bhi to pyaar hai aur mera ek tarfa pyaar hi meri saja hain.(bahar haal baad main maham aur uski shhadi bhi ho gayi kyuonki maham ke ghar wale itne pattar dil bhi nahin they apni bacchi ke liye puraane khyalaat pe hi ade rate aur unhone ye bhi pata laga liya ki phone maine hi kiya tha isiliye sajid ne kabhi muje phone nahi kiya)
aura b main gum uthane ke liye jiye jaoonga

 

aur maine phone uthaya to sajid bol raha tha bo kya raha tha ro raha usne bataya ki abhi abhi maham ka phone aaya tha aur maham ne bataya ki sajid kisi ne hamare pyaar ko nazar laga di hai aur anjaam tak pahuchne se pehle hi khatam kara diya aur ab main kabhi bhi tum se nahi mil paoongi mera rishta papa ne apne ek rishtedaar ke bete se kar diya hai main tumhare bin mar jaoongi.
sajid ro raha tha ro raha tha sajid bola i will die i wil die i will sucide ,
mujhe katon to khun nahi o mere khuda ye kya ho gaya ye maine kya kar diya aur saari raat main sajid ko phone karta raha par usen phone nahi uthaya subah subah main uske yahan pahucha to maloom hua ki subah wali gaadi se Karachi aur phir wahan se calefornia chala jayega uske uncle ke paas maine bahut koshish ki us se kisi tarah contact ho jaye par khuda ko to kuch aur hi manjoor tha aur contact nahi ho paya, par mujhe aaj bhi uske wo alfaaz yaad aate hai ki jisne meri khushi cheeni hai wo kabhi khush nahi rahega kabhi khush nahi rahega aur hua bhi yahi. Main adhoora ho aur adhoora hi rahoonga maine ye nahi socha ki jisse hum pyaar karte hain use apne pyaar ki qurbaani dekar khush rakhna bhi to pyaar hai aur mera ek tarfa pyaar hi meri saja hain.(bahar haal baad main maham aur uski shhadi bhi ho gayi kyuonki maham ke ghar wale itne pattar dil bhi nahin they apni bacchi ke liye puraane khyalaat pe hi ade rate aur unhone ye bhi pata laga liya ki phone maine hi kiya tha isiliye sajid ne kabhi muje phone nahi kiya)
aura b main gum uthane ke liye jye jaoonga

 

Bakwas h ji ye kabhi kisi ladke ko bhi kisi ladke sw pyaar hota h.

 

Actually tumhe pyar tha hi nahi ye to junun tha usse pane ka aur isiliye tumne usse kho diya
usss daur pe aisa hi hota hai insan sahii galat ka fark bhul jata hai jaisa tum ne kiya
i have experienced the same